E dyta me radhë, Rahoveci del mbi Trepçën në renditje

Rahoveci ka arritur të shënojë një fitore të madhe sot në shtëpi, derisa ka mposhtur skuadrën e Istogut me nga një gol të shënuar në secilën pjesë, për të fituar ndeshjen, Rahoveci 2-1 Istogu [Edon Zeçiri. 26p., 83 - Ragip Mazrekaj 49].

Golat e Edon Zeçirit kanë vendosur për vreshtarët sot.

Pas pjesës së parë në epërsi për vendasit, gol nga penalltia, Istogu u kthye menjëherë në lojë me golin e Ragip Mazrekaj që në fillim të pjesës së dytë për të barazuar rezultatin 1-1.

TABELA AKTUALE

Por, vreshtarët në nevojë për pikë dhe për t’i ikur rrezikut nga rënia, janë këndellur dhe nxënësit e trajnerit Senad Alirifa kanë arritur te fitorja 2-1 në fund për të marrë tri pikët e radhës dhe për të dalë mbi Trepçën në renditje tabelare.

Istogu i Bekim Shotanit në anën tjetër tashmë bëhet tri xhiro radhazi pa fitore, prej të cilave dy humbje.