Enrique: Më pëlqen loja e Kosovës

Përzgjedhësi i Spanjës, Luis Enrique, në konferencën për shtyp para ndeshjes me Kosovën ndër të tjera ka thënë se respekton lojën e Kosovës dhe e vlërson atë.

Natyrisht, Spanja ka ardhur për fitore në Prishtinë. Por, vlerësimi i Luis Enriques është i lartë për Dardanët.

ORARI I NDESHJEVE dhe TABELA AKTUALE

“Së pari dua të them se këtu kemi hasur në atmosferë të mirë dhe jemi mirëpritur. Kemi ardhur të luajmë futboll dhe nuk mirremi me politikë. Mua më pëlqen se si luan Kosovë, sepse na ngjan neve, kërkon sulm me top në posedim. Dallon nga skuadrat tjera të grupit sepse Kosova sulmon, pa marrë parasysh kundërshtarin. Duhet të jemi të gatshëm, të përgatitur, sepse presim ndeshje të vështirë,” ka thënë tekniku spanjoll, që ka veshur fanellën e Barcelonës dhe Real Madridit përgjatë karrierës së tij si futbollist.

“Synim është të fitojmë ndeshjen. Duhet të përmirësohemi edhe më dhe të vazhdojmë tutje. Sa i përket Aymeric Laportes, ai ka stërvitur me ekpin dhe është i gatshëm për lojë,” ka shtuar ai.