Ergyn Ahmeti (KF Dukagjini), Ylli i javës (29)

Mesfushori i Dukagjinit, Ergyn Ahmeti, është zgjedhur si lojtari më i mirë i javës nga Federata dhe sponsori i saj për xhiron e XXIX të Superligës së Kosovës në futboll.

Dukagjini ka arritur të shënojë fitore si mysafir ndaj Drenicës, ndërsa Ahmeti ka qenë më i miri në fushë për mysafirët në këtë ndeshje, ka vlerësuar FFK-ja. Dukagjini mposhti Drenicën 0-1, derisa golin e vetëm dhe të fitores e shënoi Arbër Shala.

Kjo është hera e parë që Ergyni merr epitetin e më të mirit të javës në Superligë, ndërsa për Dukagjinin si ekip kjo është hera e tretë që dikush nga ekipi merr cmimin në fjalë.