FORCA E TIFOZËRISË
Eric Palm, / BOROZANI / A.Paçarizi
Eric Palm: Energjia e tifozëve vendimtare
23 November, 2016 @15:21
Basketbollisti amerikan që është ndër prurjet e fundit të Bashkimit, Eric Palm, ka qenë shumë i rëndësishëm dje në përballje ndaj Kozuvit në kuadër të BIBL.
Palm, ka qenë koshashënuesi më i mirë i ndeshjes me 27 pikë, ndërsa ka shtuar edhe 5 kërcime e 3 asistime në fitoren e parë të skuadrës së tij në BIBL.
“BIBL është një garë shumë e rëndësishme këtu dhe është mirë që arritëm fitoren e parë. Ka qenë fitore ekipore. Të dy ekipet luftuan deri në fund. Tifozët e Bashkimit janë gjithmonë pas nesh dhe energjia që po na japin ata gjatë ndeshjes po na çon përpara si ekip,” ka thënë Palm pas ndeshjes.
Kjo ka qenë paraqitja më e mirë e basketbollistit në fjalë prej se ka arritur në Prizren, ndërsa ka qenë paraqitja e dytë me ekipin në përgjithësi dhe e para në BIBL. Bashkimi përndryshe, mbrëmë shënoi fitoren e parë të stinorit në BIBL.
