LAKERS vs OKLAHOMA
Nick Young, heroi i natës për Lakers
23 November, 2016 @10:29
Në sekondat e fundit të ndeshjes, ai morri iniciativën për ta shutuar treshin e fundit të ndeshjes dhe Nick Young, ia solli fitoren Los Angeles Lakersit me rezultat 111-109, kundër Oklahoma City Thunder.
OKC, e kishte edhe një rast në fund të ndeshjes me yllin Russell Westbrook, por ai nuk ishte i saktë në tentimin e tij dhe së bashku me skuadrën e tij u larguan nga salla me humbje.
Lakers gjithashtu luajti pa D’angelo Russell, derisa koshashënuesi më i mirë ishte Jordan Clarkson me 18 pikë.
Në anën tjetër, Russell Westbrooku bëri çdo gjë për fitore, i cili luajti me 34 pikë, 13 asistime e 8 kërcime, por nuk mjaftoi për fitore.
Që të dyja skuadrat, edhe Lakers edhe Oklahoma, kanë bilanc prej 8 fitoreve e 7 humbjeve deri më tani.
