PAS PËRJASHTIMIT TË ULPIANËS DHE VLLAZNISË!
Federata regjistron fitoren e Ferizajit dhe Ramiz Sadikut
14 April, 2024 @19:59
Dy skuadrat që me rregull do të kishin ndeshjet këtë fundjavë, kanë marrë fitoret e tyre me rezultat zyrtar, pas përjashtimit të Ulpianës dhe Vllaznisë nga Liga e Parë - Grupi B.
Ferizaji, që do të duhej të ndeshej me Ulpianën si dhe Ramiz Sadiku që ka qenë mysafir i Vllaznisë këtë vikend — kanë parë që FFK të ketë regjistruar me fitore përballjet me rezultat zyrtar 3-0 dhe me tre pikë të reja të fituara.
Ferizaji me këto tre pikë ka marrë kreun e renditjes në Ligën e Parë - Grupi B, ndërsa Ramiz Sadiku është përforcuar në pozitë të pestë.
