FERIZAJI-BASHKIMI
Ferizaji përmbys Bashkimin në pjesë të dytë
17 November, 2017 @15:38
Një duel me shumë gola posa përfundoi në ndeshjen hapëse të xhiros së XV ku Ferizaji vendas përkundër epërsisë së mysafirëve, ka arritur të përmbys gjithçka në pjesë të dytë për të arritur fitore.
Ka qenë Dardan Dërmaku që ia dha epërsinë në pjesë të parë Bashkimit të Koretinit, që edhe mbylli 45 minutëshin e parë të ndeshjes me epërsi 0-1.
Mirëpo në pjesë të dytë një Ferizaj me fytyrë krejt tjetër, ka arritur që të përmbys gjithçka dhe në fund t’i gëzohet fitores, 3-2.
Kjo ka qenë fitorja e shtatë e stinorit për Ferizajin, ndërsa Bashkimi ka pësuar për herë të tetë.
