FERONIKELI '74 3-0 PHOENIX
Feronikeli’74 rikthehet te fitorja
4 November, 2022 @15:51
Skuadra e Feronikelit’74 e drejtuar nga Granit Begolli i është kthyer fitores pas barazimit të papritur në xhiron e kaluar ndaj Vëllaznimit në Gjakovë.
Ekipi nga Drenasi ka shënuar fitore bindëse ndaj Phoenixit sot në Rexhep Rexhepi për të mbyllë ndeshjen 3-0 [Lapidar Lladrovci 21, Adnan Haxhaj 35, Dardan Rrogova 57].
Pas dy golave të shënuara në pjesë të parë, në pjesë të dytë gjithçka shkoi më qetë për vendasit, veçanërisht kur erdhi edhe goli i tretë i ndeshjes, ndërsa për tu cekur 5-minuta para fundit të ndeshjes kapiteni i tyre Lapidar Lladrovci, njëherit edhe golashënuesi i parë i sotëm i ekipit, u largua nga ndeshja për shkak të kartonit të kuq.
Mundi sadopak i Phoenixit nuk vleu, ndërsa ishte e pashmangshme për ekipin humbja e pestë sezonale.
