THUNDER
REUTERS
Fisher kthehet në Oklahoma
25 February, 2013 @18:32
Në fillim të stinorit Derek Fisher kishte nënshkruar për Dallas Mavericksin, por për shkak të lëndimit nga gjuri, ai luajti vetëm nëntë ndeshje me skuadrën e trajnerit Rick Carlisle.
Tani Fisher, është rikthyer tek ish skuadra, Oklahoma City Thunder, deri në fund të stinorit. Lojtari me përvojë e nënshkroi sot kontratën. Nën kampioni gjithashtu e shtoi në skuadër lojtarin Ronnie Brewer, i cili pritet të shtojë agresivitetin në mbrojtjen e skuadrës.
Oklahoma ka bilanc prej 41 fitoreve e 15 humbjeve dhe gjendet në vendin e dytë në Konferencën Perendimore.
