DARDAN BERISHA
Fitorja e tretë e Dardanit me Polfarmexin
6 November, 2016 @0:00
Basketbollisti më i dalluar i përfaqësueses së Kosovës, Dardan Berisha, ka kontribuuar me 15 pikë në fitoren e ekipit të tij, Polfarmex Kutno, sonte ndaj Start Lublinit.
Berisha ka qenë për 30 minuta në parket, duke qenë lojtari i dytë për kah minutazha më e madhe në ndeshje, gjithashtu edhe i dyti për kah koshat e shënuara në fitoren, 78-74.
Në minutat e kaluara në lojë, Dali gjithashtu ka regjistruar 3 treshe, 3 asistime dhe 2 topa të vjedhur.
Kjo ka qenë fitorja e tretë e Polfarmexit këtë stinor në elitën polake dhe ekipi aktualisht ka bilanc prej 3 fitoreve dhe 2 humbjeve pas 5 xhirove të para të zhvilluara.
