Fitore e vështirë

Portugalia ka arritur të dalë në vendin e dytë të Grupit F me një ndeshje më tepër të zhvilluar aktualisht, duke e mposhtur pak më parë Azerbejxhanin 0-2 si mysafir. 

Ndeshja e zhvilluar në stadium Tofiq Behramov adına Respublika të Bakus në mesin e 30 mijë shikuesve ka qenë e barabartë derisa sulmuesi i vendasve, Rauf Aliyev, nuk u ndëshkua me kartonin e dytë të verdhë (brenda katër minutave dy të verdha) për t’u përjashtuar në minutën e 55-të. 

E prej këtij momenti Portugalia u kthjell dhe arriti të shënojë dy herë. Së pari ishte mbrojtësi Bruno Alves që shënoi për 0-1, e pastaj edhe zëvendësuesi Hugo Almeida në minutën e 80-të përcaktoi rezultatin final të ndeshjes. 

Cristiano Ronaldo nuk është paraqitur fare për kombëtaren portugeze, të udhëhequr nga Paulo Bento, derisa trajneri i Azerbejxhanit, Berti Vogts, vështirë se do të mbetet më tepër në krye të kësaj përfaqësueseje pasi që janë në vendin e parafundit në tabelë dhe pa shpresa. 

REZULTATI:

TABELA E GRUPIT F: