Reformohet Holanda!

Pesë fitore në Grupin D kualifikues nga pesë ndeshje, i dhanë material të mjaftueshëm strategut, Louis Van Gaal, që t’i jep përvojë lojtarëve të ardhshëm të Holandës. 

Me sulmuesin e Manchester Unitedit, Robin Van Persie, si lojtar më në moshë në përfaqësuese, Louis Van Gaal është duke e përgatitur një Holandë krejt tjetër nga ajo që jemi mësuar ta shohin në dy ciklet e botërorëve dhe europianëve të fundit. 

Ndeshjen e sontme ndaj Estonisë pritet ta shijojnë talentë si Daley Blind, Stefan de Vrij, Bruno Martins Indi (të gjithë këta lojtarë të përfaqësueses U-21), pastaj Kenneth Vermeer në portë dhe Daryl Janmaat në krah të mbrojtjes. 

Ndërsa sulmin do ta udhëheq treshja e famshme: Wesley Sneijder, Robin Van Persie dhe Arjen Robben - që do t’u japin përvojë të rinjëve.