DRENASI - TREPÇA
Fitore në Drenas, Trepça ngjitet
17 April, 2021 @17:13
Një fitore mjaft të rëndësishme e ka shënuar sot në Drenas skuadra e Trepçës.
Kjo ka qenë fitorja e katërt me radhë për mitrovicasit, që kanë kapur një super-formë tashmë dhe me këtë ritëm thuajse kanë siguruar mbijetesën në ligë.
Trepça ka dominuar në pjesën më të madhe të kësaj ndeshjeje ndaj Drenasit, ndërsa golin e vetëm dhe të fitores për ekipin e ka shënuar Ardian Neziri.
Mitrovicasit takimin e sotëm arritën ta fitojnë 0-1 [Ardian Neziri], për t’u ngjitur kështu në vendin e pestë të Grupit A.
Në anën tjetër, Drenasi me këtë humbje mbetet i parafundit në këtë grup, 5 pikë larg vendit të fundit.
Xhiron që vijon, Drenasi i shkon Vëllaznimit në Gjakovë, kurse Trepça i shkon Lirisë në Prizren.
