Të gjitha lajmet

VËLLAZNIMI - FERONIKELI

Fitore në sekondat e fundit, Feronikeli fiton Kupën e Ligës së Parë

Foto: FBK

Fitore në sekondat e fundit, Feronikeli fiton Kupën e Ligës së Parë

3 March, 2019 @13:49

Feronikeli është fituesi i edicionit të parë të Kupës së Kosovës në Ligën e Parë të basketbollit!

Skuadra nga Drenasi me mund të madh arriti ta fitojë ndeshjen e sotme ndaj Vëllaznimit, ndeshje e cila ishte tejet interesante dhe fituesi u vendos në sekondat e fundit të përballjes.

Për dallim nga takimi në ligë i luajtur pak javë më parë, sot skuadra e Vëllaznimit zhvilloi paraqitje më të mirë dhe e rivalizoi fuqishëm Feronikelin, duke mbajtur një epërsi të lehtë përgjatë gjithë takimit, mirëpo në momentet vendimtare të ndeshjes, ishte skuadra nga Drenasi ajo që u tregua më e përqëndruar dhe arriti ta fitojë këtë finale.

Epërsia e Vëllaznimit qëndroi deri rreth 3 minuta pa përfunduar ndeshja, e më pas në minutat e mbetura epërsia kalonte herë te njëra skuadër e herë te tjetra.

Kur kishin mbetur 6 sekonda pa përfunduar ndeshja dhe rezultati shënonte 80-79 në të mirë të Vëllaznimit, Beqë Kovaqi i Feronikelit u tregua i saktë në dy gjuajtjet e tij të lira, për t’ia dhënë epërsinë 1 pikëshe skuadrës së tij, ndërsa në akcionin e fundit të ndeshjes, Edmond Kryeziu i gjakovarëve u tregua i pasaktë në gjuajtjen për 2 pikë, duke bërë që ndeshja të mbyllet me fitoren e Feronikelit me rezultat minimal 80-81 (24-22, 22-18, 12-15, 22-26).

Duhet përmendur që pjesë e ekipit të gjakovarëve sot nuk ishte Atik Koshi, mungesa e të cilit ishte e dukshme.

Më të dalluarit te gjakovarët, tek të cilët sot minutazh patën vetëm 6 lojtarë, sot ishin Edmond Kryeziu me 25 pikë, 6 kërcime e 2 asistime dhe Taaj Ridley me 21 pikë, 5 kërcime e 4 asistime, derisa pranë shifrave-triple double ishte Arion Balluku (14 pikë, 12 kërcime, 9 asistime). Te skuadra nga Drenasi koshashënuesi më i mirë sot ishte Mustafë Merovci me 20 pikë, 9 kërcime e 1 asistim, ndërsa vendimtarë në çerekun e fundit me shënimet e tyre ishin Sami Hajzeri dhe Beqë Kovaqi.

Kujtojmë që për ta arritur finalen Vëllaznimi e kishte mposhtur Istogun, kurse Feronikeli skuadrën e Penzës.

PAS VENDIMIT

KB Borea bie edhe nga Liga e Parë

TOPSPORTI/ Arkiv/ A. Paçarizi

22 May, 2020 @23:36

Skuadra pejane e basketbollit, KB Borea, pas rënies në stinorin e kaluar nga Superliga e Kosovës ka vazhduar me formë…

PROMOVOHEN

KB Megasport hyn në Ligën e Parë

TOPSPORTI/ Arian Paçarizi

22 May, 2020 @22:07

Skudara prizrenase, KB Megasport, do të jetë anëtarja më e re e Ligës së Parë të Kosovës në basketboll. …

MITROVICË

Në shtator Trepça luan PlayOutin për shpëtim të stinorit në Superligë

TOPSPORTI/ Arian Paçarizi

22 May, 2020 @16:42

Me Vendimin e sotëm të Bordit të Federatës së Basketbollit të Kosovës (FBK) është bërë e ditur se ish kampionia…

FERONIKELI & LIPJANI BIEN

Feronikeli e Lipjani bien nga Superliga

TOPSPORTI/ Arian Paçarizi

22 May, 2020 @16:14

Vendimi i fundit i Bordit të Federatës së Baskebollit të Kosovës (FBK) ka bërë që Feronikeli dhe Lipjani të bien…

GJAKOVË

Vëllaznimi në Superligë!

TOPSPORTI/ Arian Paçarizi

22 May, 2020 @16:03

Skuadra e Vëllaznimit që ishte në vend të parë të Ligës së Parë të Kosovës në basketboll është promovuar në…

Të gjitha lajmet nga FBK Liga e Parë