Fitorja historike ikë nga dora

Përfaqësuesja e Kosovës ishte shumë pranë fitores së parë historike në kualifikimet për Eurobasket 2017.

Të përzgjedhurit e Arben Krasniqit sic duket kanë marrë mësim nga humbja e thellë në ndeshjen e parë ndaj Sllovenisë, pasi sot u treguan shumë më të angazhuar, e sidomos në mbrojtje.

Mirëpo ky fakt në fund nuk doli të jetë i mjaftueshëm për fitoren ndaj Ukrainës, e cila fitoi me rezultat 63-70.

Ndeshja ishte e barabartë gjatë gjithë kohës, ndërsa këtë e tregon më së miri edhe fakti që rezultati u barazua më shumë se dhjetë herë gjatë ndeshjes.

Çereku i parë përfundoi me rezultat 17-17, ndërsa në pushim “Dardanët” shkuan me dy pikë epërsi, 34-32.

Në pjesën e dytë Granit Rugova dhe Drilon Hajrizi ishin ata të cilët i dhanë frymëzim skuadrës me angazhimin e tyre, ndërsa Justin Doellman ishte çelësi i cili i hapte dyert për të shënuar pikë.

TABELAT AKTUALE TË KUALIFIKIMEVE PËR EUROBSKET 2017

Megjithatë, ukrainasit duke e shfrytëzuar sidomos fuqinë dhe gjatësinë nën kosh, arritën ta mbajnë rezultatin në të mirë të tyre, për ta arritur fitoren në fund.

STATISTIKAT INDIVIDUALE

Koshashënuesi më i mirë te Kosova ishte Justin Doellman, që shënoi 20 pikë, aq sa shënoi edhe Korniienko te skuadra kundërshtare.

TABELA AKTUALE

Me këtë rezultat Kosova mbetet e fundit në grup, me dy humbje në po aq ndeshje, ndërsa tani fitoren e parë të shpresojë ta arrijë në përballjen me Bullgarinë, që luhet më 7 shtator në Sofje. Për ndryshe, edhe Bullgaria do ta ketë ‘gajlen’ e njëjtë, pasi që as ajo nuk ka arritur të fitojë në dy përballjet e mëparshme.