FSHF vazhdon me ankesa për vendimin e UEFA-së

Federata e Futbollit të Shqipërisë ka mbajtur një konferencë për shtyp menjëherë pas vendimit të UEFA-së lidhur me ndeshjen Serbi-Shqipëri. 

Sekretari i Përgjithshëm i FSHF-së, Ilir Shulku, i ka njoftuar mediat me vendimin e UEFA-së, derisa Artan Hajdari, njeriu nga kompania mbrojtëse e FSHF-së në UEFA ka thënë se FSHF do të kërkojë të drejtën në Gjyqin Arbitrar Sportiv. 

“Vendimi është tërësisht i padrejtë dhe ne do të vazhdojmë të kërkojmë drejtësi në Komisionin e Apelit dhe më tej në CAS (Gjyqi Arbitrar Sportiv),” ka thënë ndër të tjera, shefi i Hajdari&Haxhia, kompani shqiptare kjo që u morr me mbledhjen e fakteve dhe mbrojtjen e Shqipërisë në UEFA para vendimit. 

Shqipëria u gjobit me 100 mijë euro, derisa iu mohua fitorja në tavolinë, të cilën e morri Serbia.