UEFA-ja flet në 12:00; Mediat: Serbia fiton!

UEFA-ja zyrtarizon vendimin në ora 12:00

Fati i ndeshjes Serbi-Shqipëri do të qartësohet zyrtarisht nga UEFA-ja në ora 12:00 sot, pra në mesditë. 

Zyrtarja e UEFA-së në një bisedë telefonike me Borozani.com ka konfirmuar se asgjë çka mund të shihni nuk është zyrtare. 

“Njoftimi lidhur me ndeshjen Serbi-Shqipëri do të publikohet në ora 12:00. Ne nuk kemi publikuar asgjë, prandaj zyrtarisht nuk ka asgjë nga UEFA-ja ende,” ka thënë zyrtarja e UEFA-së ekskluzivisht për Borozani.com

Mediat kanë publikuar lajmin se Serbia e ka fituar ndeshjen, sikurse mëposhtë. 

“Shqipëria humb në tavolinë ndaj Serbisë. 

Komisioni Disciplinor i UEFA-së ka marrë vendim që ndeshja Serbia-Shqipëria të regjistrohet 3-0 në të mirë të Serbisë, derisa Serbisë t’i hiqen tre pikë në tabelë. 

Të dyja Federatat janë dënuar me nga 100 mijë euro gjobë, derisa dy ndeshjet e radhës kualifikuese do të luajnë pa tifozë. 

Faktikisht, nëse lajmi i botuar në Panorama Sport është plotësisht i vërtetë, atëherë të dyja ekipeve loja i regjistrohet si e luajtur, por asnjëra nuk fiton pikë!!!”