FUQUAN EDWIN
Fuquan Edwin nis stërvitjet me Prishtinën
31 January, 2017 @23:20
Basketbollisti amerikan, Fuquan Edwin, i është bashkuar sot ekipit të Sigal Prishtinës dhe ka nisur stërvitjet me ekipin bardhekaltër, 6 ditë pas paralajmërimit nga ekipi.
Sigal Prishtina ka lëshuar një video në Facebook ku ka bërë të ditur se lojtari në fjalë ka filluar të bëhet gati me skuadrën.
Lojtari 198 centimetra i gjatë që vjen nga ekipi Taipans i Australisë, do të jetë mundësi shtesë për trajnerin lituanez të posaardhur te Prishtina, Audrius Prakuraitis, ku skuadra synon Kupën e Kosovës në Final Four, që mbahet në mes të muajit shkurt, prej datës 17 deri më 19.
