Gabimi ynë, i jep shpresë Dortmundit

Sulmuesi argjentinas i Juventusit, Carlos Tevez, ka thënë se gabimet e ekipit të tij, i japin shpresë Borussia Dortmundit për kalim tutje. 

“Mendoj se luajtëm një lojë të mirë, por Dortmundi shënoi nga gabimi ynë. Në Ligë të Kampionëve nuk ka ndeshje të lehta dhe e dimë se do të jetë edhe më vështirë në Dortmund,” është cituar të ketë thënë golashënuesi i golit të parë të Juventusit sonte, për Sky Italia. 

Juventus mposhti Borussia Dortmundin në ndeshjen e parë të zhvilluar sonte, derisa më 18 mars luhet ndeshja e kthimit. 

Dortmund është dukur tejet i kënaqur përkundër humbjes, por me golin e shënuar si mysafir që i jep shpresa shumë për kalim tutje.