Gëzimet do të vazhdojnë

Ermir Lenjani, futbollisti këmbëshpejtë i krahut të Shqipërisë, në një postim të tijin në Facebook sot, ka bërë të ditur se gëzimet e kuqezinjëve do të vazhdojnë. 

“Ne, vërtetë i treguam të gjithëve se jemi një Kombëtare e madhe. Fitore historike, por edhe shumë gëzime të mëdha do të ketë kjo Shqipëri,” ka shkruar ai. 

Lenjani që është futbollist i Rennes në Ligue 1 të Francës, ka pasur disa raste ideale për të shënuar në fitoren e Shqipërisë ndaj Francës të zhvilluar të shtunën që shkoi në Elbasan. 

Shqipëria mposhti Francën 1-0 me golin e Ergys Kaçes, për herë të parë në histori të ekipit kuqezi.