GJYQTARI
Gjyqtar austriak në ndeshjen Trepça ‘89 - Vikingur
3 July, 2017 @20:09
Ndeshja kthyese e rrethit të parë kualifikues të Ligës së Kampionëve, ndërmjet Trepçës ‘89 dhe Vikingurit, do të drejtohet nga një gjyqtar austriak.
Drejtësia e kësaj ndeshjeje do të ndahet nga gjyqtari 36 vjeçar, Alexander Harkam, i cili deri më tani ka gjykuar 25 ndeshje ndërkombëtare dhe 97 ndeshje në Bundesligën austriake.
Ndeshja Trepça ‘89 - Vikingur do të luhet nesër (e martë) nga ora 18:00 në stadiumin “Adem Jashari” në Mitrovicë.
Ndeshjen e parë e pati fituar skuadra nga Ishujt Faroe me rezultat 2-1.
