Goli i katërt sezonal për kapitenin e Kosovës në Serie A

Qendërmbrojtësi i Kosovës Amir Rrahmani që është edhe kapiten i reprezentacionit ka shënuar gol dje në ndeshjen që ekipi i tij Napoli e fitoi thellë ndaj Sassuolos 6-1 [Koulibaly 7, Osimhen 15, Lozano 19, Mertens 21, 54, Rrahmani 80 - Maxime Lopez 87].

Ky ka qenë goli i katërt sezonal për Rrahmanin, ndërsa fitorja e Napolit i lë ende të shpresojnë në titull kampioni, derisa kanë 4 pikë më pak se Milani lider dhe 2 më pak se Interi ndjekës i liderit.