GRUPI B
fiba
Greqia, lehtë ndaj kroatëve
3 September, 2014 @21:55
Grekët kanë shkelur Kroacinë në njërën ndër ndeshjet interesante të ditës në Botërorin e basketbollit.
Ekipi i trajnerit, Fotis Katsirakis, ka qenë i bindshëm gjatë ndeshjes dhe me epërsinë e madhe të krijuar kanë pasur finish të qetë të lojës duke e mposhtur Kroacinë e Jasmin Repesës, me 11 pikë epërsi 76-65.
Lojtari më i mirë i Greqisë ka qenë Kostas Kaimakoglou që ka shënuar 14 pikë, derisa ka regjistruar edhe 6 kërcime e 4 asistime, në fitoren e radhës së vendit të tij - që është e katërta me radhë nga po aq ndeshje.
Në anën tjetër, te kroatët u dallua Bojan Bogdanovic. Mirëpo, përkundër 20 pikëve të tija ekipi i tij as që ishte afër fitores në këtë duel, ku Kroacia regjistroi disfatën e dytë në “Spanja 2014”, pas asaj befasuese ndaj Senegalit.
Derisa Greqia do të ndeshet me Argjentinën në ndeshjen e fundit të grupit, për të përcaktuar fituesin e Grupit B, Kroacia do të duhet të fitojë patjetër Porto Rikon ashtu që të sigurojë një vend për të dalë nga grupi.
Tabela aktuale, Grupi B:
| 1 | Greqia | 4-0 | ||
| 2 | Argjentina | 3-1 | ||
| 3 | Kroacia | 2-2 | ||
| 4 | Senegali | 2-2 | ||
| 5 | Porto Riko | 1-3 | ||
| 6 | Filipinet | 0-4 |
