GAME 1: PRISHTINA E RE - NEW BASKET
Heroi Haxhosaj, Prishtina e Re kap avantazhin
5 April, 2022 @21:37
Prishtina e Re me shënimin në sekondat e fundit të Dion Haxhosajt, e mposhti New Basketin me rezultat 72-71 në kuadër të ndeshjes së parë të Play Offit në Ligën e Parë.
New Basketi ishte në epërsi 9 sekonda para përfundimit të ndeshjes 69-71, derisa 5 sekonda para përfundimit të ndeshjes Dion Haxhosaj shënojë nga vija e treshit dhe ia solli fitoren skuadrës Prishtina e Re.
Haxhosaj shkëlqeu në këtë ndeshje me 41 pikë e 25 kërcime, kurse u ndihmua edhe nga Arbër Sinani me 16 pikë. Këta dy lojtarë ishin të vetmit me pikë dyshifrore te Prishtina e Re.
Te New Basketi u veçuan Jordan Robinson me 32 pikë dhe Visar Ejupi me 17 pikë.
Prishtina e Re kaloi 1-0 në epërsi në seri. New Basketit i nevojitet fitorja në ndeshjen e dytë për ta vazhduar serinë.
