GRUPI A: HOLANDA - KATARI
Holanda konfirmon vendin e parë në grup
29 November, 2022 @18:37
Holanda e drejtuar nga Louis Van Gaal ka konfirmuar vendin e parë në Grupin A të fazës grupore të Kampionatit Botëror “Katari 2022”, duke shënuar një fitore të lehtë ndaj Katarit organizator dhe të eliminuar në rrethin e dytë të ndeshjeve, me rezultatin përfundimtar Holanda 2-0 Katari [Cody Gakpo 26, Frenkie de Jong 49].
Katari nuk është treguar krejtësisht pa raste aty, ndërsa i ka munguar finalizimi i aksioneve. Ka qenë Cody Gakpo që i dha epërsinë Holandës, duke shënuar për herë të tretë këtë Botëror (në secilën ndeshje të grupit nga një gol), ndërsa në pjesë të dytë Frenkie de Jong ka shënuar për fitore.
