Humbja më e thellë e stinorit!

Skuadra e Craiovas, përveçse u mposht nga Sigal Prishtina sonte dhe e humbi rastin për t’u kualifikuar në gjysmëfinale, e regjistroi edhe një rekord të zi për vete.

Bardhekaltërit ishin shkaktarë që ekipi rumun ta pësojë humbjen më të thellë të stinorit, përfshirë këtu ndeshjet e Ligës Ballkanike dhe ato të kampionatit rumun.

Prishtina fitoi me epërsi prej 28 pikëve (98-70), ndërsa në një moment gjatë ndeshjes epërsia e prishtinasve arriti deri në 35 pikë (76-41).

Craiova humbjen më të thellë këtë stinor e kishte pësuar kundër Kozuvit, kur ishte mposhtur me disavantazh prej 17 pikëve (80-63), derisa në kampionatin rumun sivjet nuk ka pësuar humbje me më shumë se 16 pikë dallim.

Një humbje më të thellë se ndeshja e sontme, skuadra e Craiovas e ka pësuar vetëm gjatë stinorit të kaluar, kur ishte mposhtur në ndeshjen e parë çerekfinale të kampionatit rumun nga skuadra Oradea me dallim prej 32 pikëve (53-85), ndeshje kjo e zhvilluar më 2 maj të vitit 2014.

Kjo ishte gjithashtu edhe humbja më e thellë në histori të skuadrës së Craiovas në Ligën Ballkanike, pasi që deri më tani humbja më e thellë e tyre ka qenë kundër skuadrës bullgare, Balkan, kur ishte mposhtur në stinorin e kaluar me disavantazh prej 27 pikëve (89-62).

Humbjet më të thella të Craiovas në këtë stinor

Humbjet më të thella të Craiovas në Balkan League