DREJT TOP 4
BOROZANI/Erdis Driza
Prishtina shkatërron rumunët
25 March, 2015 @20:52
Me një paraqitje fenomenale, Sigal Prishtina ka dhënë një spektakël basketbollistik në Pallatin e Rinisë dhe të Sporteve për të mposhtur deri në demolim total kundërshtarin çerekfinal, Craiovën.
Rumunët sonte dukeshin të humbur në fushë, derisa djelmoshat bardhekaltër nga kryeqyteti kanë treguar performancën më të mirë të stinorit në Balkan League duke luajtur lojën më të mirë dhe më të komponuar deri më sot.
Mbrojtje të fortë, angazhim maksimal për çdo top në çdo cep të fushës së lojës dhe sulme të sakta - u ka dhuruar Prishtina sonte publikut në palestër dhe adhuruesve tjerë që e shikonin nga ekranet televizive.
Fillim i furrishëm, për çerekun e parë 32-14, vazhdim solid për 21-19 në çerek të dytë ka dhënë pjesën e parë me 53-33 për ekipin e drejtuar nga Marjan Ilievski, derisa pikët u shpërndanë në mes të Dardan Berishës, Edin Bavcicit, Julian Mavungas e Demontez Stittit fillimisht.
Rumunët menduan të këndellën në pjesë të dytë, por kjo mbeti vetëm dëshirë, derisa ekipi prishtinas shkonte sigurtë drejtë gjysmëfinales së dytë me radhë në Balkan League, në stinorin e dytë të pjesëmarrjes këtu.
Në çerekun e fundit, pritej vetëm të përcaktohej rezultati përfundimtar i ndeshjes, derisa Sigal Prishtina ka punë me Kozuvin maqedon në gjysmëfinale të Balkan League.
Statistikat ekipore
| PRISHTINA | CRAIOVA | ||
| Çereku i parë | 32 | 14 | |
| Çereku i dytë | 21 | 19 | |
| Çereku i tretë | 29 | 20 | |
| Çereku i katërt | 16 | 17 | |
| Kërcime | 36 | 31 | |
| Asistime | 28 | 15 | |
| Bllokada | 2 | - | |
| Topa të vjedhur | 9 | 6 | |
| Topa të humbur | 10 | 15 | |
| Tentime për tre pikë | 10/24 | 8/21 | |
| Tentime nga loja | 36/65 | 26/63 | |
| Gjuajtje të lira | 16/18 | 10/19 |
Statistikat individuale te Sigal Prishtina
| 1 | Dardan Berisha | 22 pikë | 3 kërcime | 8 asistime |
| 2 | Edin Bavcic | 15 pikë | 6 kërcime | 3 asistime |
| 3 | Julian Mavunga | 13 pikë | 4 kërcime | 4 asistime |
| 4 | Demontez Stitt | 13 pikë | 1 kërcim | 5 asistime |
| 5 | Jordan Hulls | 12 pikë | 8 kërcime | 5 asistime |
| 6 | Julius Coles | 9 pikë | 2 kërcime | 1 asistim |
| 7 | Bojan Trajkovski | 8 pikë | 9 kërcime | - |
| 8 | Blerim Mazreku | 4 pikë | 1 kërcim | - |
| 9 | Edmond Azemi | 2 pikë | 2 kërcime | 2 asistime |
Statistikat individuale te Craiova
| 1 | Travis Bureau | 12 pikë | 3 kërcime | 2 asistime |
| 2 | Szabolcz Santa | 10 pikë | 8 kërcime | - |
| 3 | Marko Boltic | 10 pikë | 4 kërcime | 2 asistime |
| 4 | Djordje Micic | 10 pikë | 1 kërcim | 1 asistim |
| 5 | Dragos-Mihai Andrei | 9 pikë | 1 kërcim | 5 asistime |
| 6 | Ivan Bosnjak | 8 pikë | 5 kërcime | 2 asistime |
| 7 | Radomir Marojevic | 5 pikë | 1 kërcim | 1 asistim |
| 8 | Catalin Petrisor | 4 pikë | 2 kërcime | 2 asistime |
| 9 | Andrei Damian | 2 pikë | - | - |
| 10 | Milivoje Bozovic | 0 pikë | 4 kërcime | - |
