NË PRIZREN
Humphrey lojtar i ri i Bashkimit
1 January, 2019 @19:23
Kampioni aktual i Kosoovës në basketboll, Bashkimi, para pak çastesh ka zyrtarizuar basketbollistin e ri të skuadrës.
Lamar Wofford - Humphrey është basketbollist i ri i skuadrës. Ai vjen nga Omaha Mavericks në SHBA, ndërsa luan në pozitat nën kosh, alo-qendër dhe qendër.
Amerikani në fjalë është 25 vjeçar ndërsa në stinorin e fundit ka pasur mesatare prej 8.2 pikëve dhe 4.8 kërcimeve për ekipin e tij në ndeshjet e zhvilluara.
Ditë më parë Bashkimi kishte humbur lojtarin e vetëm të skuadrës në këtë pozitë, Ergin Grosha, i cili kishte kaluar në radhët e rivalit lokal, Prizreni.
Tash, duket se me Humphreyn plotësohet pozita e ekipit të portokalltë nën kosh.
