THUNDER - MAVS
FOTO / nba
Viti i Ri, Westbrooku i vjetër
1 January, 2019 @13:35
Super ylli i Oklahoma City Thunderit, Russell Westbrook, shkëlqeu në fitoren kundër Dallas Mavericksit, që Oklahoma e mposhti me rezultat 122-102.
Oklahoma gjatë tërë ndeshjes nuk e lëshoi epërsinë kundër Dallasit, derisa Westbrook luajti me shifrat magjike.
Wesbrook e mbylli ndeshjen me triple-double prej 32 pikëve, 11 kërcimeve dhe 11 asistimeve, për t’ia dhuruar një fitore tjetër skuadrës së tij në natën e Vitit të Ri.
Te Dallasi Harrison Barnesi u dallua me 25 pikë, derisa Luka Doncic luajti me 17 pikë e 6 kërcime.
Oklahoma me 23 fitore e 13 humbje gjendet në pozitën e tretë në Konferencën Perëndimore, derisa Dallasi me 17 fitore e 19 humbje është jashtë zonës së Play Offit.
