I gatshëm për stërvitje

Derrick Rose vitin e kaluar pësoi një lëndim shumë të rëndë nga gjuri, e ai me seriozitet, që nga operimi është duke punuar për t’u rikthyer në parket.

Në lidhje me vullnetin e Derrick Rose, trajneri i Chicago Bullsit, Tom Thibodeau, tha: 

“E di se për një ose dy ditë, do t’i bashkohet skuadrës, duhet të jemi të durueshëm dhe kemi nevojë për të bërë një plan të mirë. Faza e rehabilitimit të tij ende po vazhdon, do të jetë me ne, kur është i gatshëm, tani jemi duke i pritur rezultatet e mjekut “.

Rikthimi definitiv i Derrick Rose në skuadër, pritet të bëhet pas All-Star ndeshjes.