BKT SUPERLIGA
I revanshohet Vëllaznimit
18 November, 2012 @12:00
RTV 21 ka arritur të mposht me rezultat të ngushtë Vëllaznimin në Gjakovë 78-82.
Amerikanët Alexander Joshua dhe Morgan Sabia bashkë me Besart Shatrin kanë bartur barrën kryesore në ndeshjen të cilën 21-shi në fund e rrezikoi.
Pjesa e parë e ndeshjes i takoi teleboys-ave të RTV 21-shit, të cilët krijuan epërsinë, por të udhëhequr nga slloveni Marcel Mihalic dhe kroati Denis Vrsaljko, gjakovarët në pjesën e dytë ishin ekip tjetër.
Në fund RTV 21 regjistroi fitore jashtëzakonisht të rëndësishme me ç’rast tash ka 4 fitore dhe 5 humbje nga nëntë xhirot e para në BKT Superligë dhe është ngritur në pozitën e pestë në tabelë, duke e kaluar Vëllaznimin, që ka mbetur në kuotën e 3 fitoreve dhe 6 humbjeve.
