Ishi i Prishtinës, kualifikon Laçin

Pas përballjes së parë të zhvilluar në Elbasan Arena pa gola, u duk se Laçi do ta ketë vështirë të kalojë skuadrën malazeze Iskra.

Mirëpo, një perlë e ish-futbollistit të Prishtinës, Mentor Mazrekaj, ka zgjidhur gjithçka në ndeshjen e dytë të zhvilluar në Podgoricë sonte, ku Laçi fitoi me rezultat minimal dhe siguroi rrethin e dytë kualifikues të Ligës së Konferencës.

Mazrekaj goditi thellë një gjuajtje të lirë si krosim, që përfundoi në rrjetë të malazezëve, që doli të ishte i mjaftueshëm për fitore 0-1 (19) dhe me këtë ekipi i Shpëtim Duros kaloi tutje.

Në rrethin e dytë kualifikues për Ligën e Konferencës Laçi i Duros do të ndeshet me moldavët, Petrocub.