ISTOGU - AS PRISHTINA
FOTO / Istogu
Istogu përkohësisht lider
20 February, 2021 @17:10
Skuadra e Istogut duke e mposhtur AS Prishtinën me rezultat 93-59, përkohësisht ngritet në krye të tabelës në Ligën e Parë.
Djelmoshat e trajnerit Fikret Sharti, e kishin epërsinë nga fillimi i ndeshjes e deri në fund.
Fisnik Juniku me 27 pikë, 7 kërcime, 3 asistime e 3 topa të rrëmbyer, ishte më i dalluari te Istogu, derisa u ndihmua edhe nga Mirza Skrelja me double-double prej 14 pikëve e 13 kërcimeve.
Te AS Prishtina me double-double luajti Ermir Gashi prej 14 pikëve e 11 kërcime, me 14 pikë u dallua edhe Don Polloshka por nuk mjaftoi për fitore.
Që të dyja skuadrat aktualisht i kanë nga 10 fitore e 2 humbje në Ligën e Parë.
