CAS
Ja vendimi zyrtar i CAS-it
10 July, 2015 @12:20
Gjykata e Arbitrazhit Sporitv (CAS) ka refuzuar ankesën e paraqitur nga Federata Serbe, dhe ka mbështetur pjesërisht ankesën e FSHF-së, për ndeshjen Serbi - Shqipëri, me ç‘rast e ka konsideruar ndeshjen me rezultat zyrtar 0-3 në të mirë të Shqipërisë.
Sipas CAS, arsyeja e këtij vendimi është pasi gjykata nuk ka gjetur prova nëse Federata Shqiptare ka refuzuar të luaj ndeshjen, pasi që nuk ka pasur urdhër të qartë të gjyqtarit kryesor të ndeshjes. Në këtë mënyrë, përgjegjësia e ndeshjes ka rënë tek Federata Serbe, e cila është cilësuar fajtore kryesore për mungesë të sigurisë në fushë, që njëkohësisht është edhe shkelje e rregullores së UEFA-së.
Përveç kësaj, CAS ka vendosur ta dënojë edhe Shqipërinë duke e gjobitur me 100 mijë euro, si përgjegjës kryesor i lëshimit të drone-it në fushë.
Në fund, vendimet e UEFA-së kanë mbetur në fuqi, duke e gjobitur Serbinë gjithashtu me 100 mijë euro, derisa dy ndeshjet e radhës kualifikuese si vendas t’i luajë me dyer të mbyllura për tifozë, si dhe të hiqen tre pikë, pra me minus (-2) pikë nga 5 ndeshje.
