James drejt largimit?

Pas përmbushjes së premtimit të dhënë për ta fituar titullin në vendlindjen e tij, titull ky i pari në historinë e Cleveland Cavaliers, LeBron James mund të largohet nga Ohio.

LeBron James, i cili ishte MVP i finaleve dhe lider i Cleveland Cavaliers drejt rikthimit historik nga 1-3 në 4-3 në finalet ndaj Warriors këtë sezon, e ka shkëputur kontratën me Clevelandin dhe tashmë është lojtar i lirë. Por kjo nuk do të thotë që ai nuk mund të nënshkruajë kontratë të re me klubin e njëjtë. Siç raportohet, King James mund të nënshkruajë kontratë të re 1+1 (1 vit, me mundësi vazhdimi edhe për vitin e dytë) me skuadrën nga Ohio.

Nëse James vazhdon me Clevelandin edhe pas atyre 2 viteve të lartpërmendura, ai pastaj do të fitonte “Max Contract” me vlerën e 211.5 milionë dollarëve.

Se çfarë do të ndodhë, mbetet të shihet.