James shkëlqen, Kobe me rekord

LeBron James ka shënuar 36 pikë (5 asistime + 5 kërcime) ashtu që ekipi i tij të arrijë fitoren e parë pas gjashtë ndeshjesh.  Fitorja 109-102 erdhi ndaj Los Angeles Lakersit, ku veterani Kobe Bryant shënoi 19 pikë dhe 17 asistime (rekord i karrierës) në humbje. 

Derisa Bryant shënoi treshe 1:54 minuta pa përfunduar ndeshja dhe pas saj qëlloi dy herë nga gjuajtjet e lira për 103-99 kur kishin mbetur edhe 43 sekonda lojë, James përgjigjet me shënim akrobatik 20.9 sekonda para sirenës së fundit të ndeshjes, që tha edhe fjalën e fundit në lojë. 

Kyrie Irving me 22 dhe Kevin Love me 17 pikë ndihmuan gjithashtu në fitoren e Cavsave, derisa Jordan Hill shënoi 20 pikë në humbjen e nëntë nga 12 ndeshjet e fundit për ekipin nga Hollywoodi. 

Me fitore, ekipi i Jamesit neutralizoi bilancin pas 40 ndeshjeve, në 20 fitore dhe 20 humbje, derisa Lakers ende vuan me 12 fitore dhe 28 humbje nga 40 ndeshje. 

Video

Pasimi mjeshtëror i LeBron Jamesit