ADNAN JANUZAJ
Januzaj luan për Kosovën?!
20 April, 2016 @14:21
Në një shkrim të botuar në faqen futbollistike belge, Voetbal Krant, është thënë se Adnan Januzaj po e konsideron opcionin e kalimit te përfaqësuesja e Kosovës në futboll.
Januzaj u bë yll te Manchester United në kohën kur ekipin e drejtone David Moyes. Ai u ftua menjëherë nga kombëtarja belge dhe luajti edhe në Kampionatin Botëror “Brazili 2014”, ndërsa në total deri tash ka veshur 6 herë fanellën e ‘djajve të kuq’ të Belgjikës.
Mirëpo, faqja në fjalë shkruan se ftohja e marrëdhënieve ndërmjet tij dhe përfaqësueses belge ka shtyer lojtarin që të konsiderojë opcionin e Kosovës, që pritet të pranohet shpejt në UEFA e FIFA.
Januzaj muajt e fundit as që është ftuar te Belgjika, ku këta të fundit kanë siguruar paraqitjen në EURO 2016.
Januzaj këtë stinor ka pasur rënie tjetër. Ai u huazua te Borussia Dortmund ku nuk pati hapësirë thuajse fare, ndërsa me tu kthyer në Manchester United, Louis Van Gaal nuk e futi fare në hesapet e tij.
