CHAMPIONSHIP

Lufta për Premier Ligë vendoset në fund

19 April, 2016 @23:12

Middlesbrough, Burnley dhe Brighton janë tre skuadra kryesuese të Championshipit në Angli, që po luftojnë për dy vendet e para që dërgojnë direkt në Premier Ligë stinorin që vjen.

Derisa Middlesbrough i udhëhequr nga ish madridisti, Aitor Karanka, me David Nugentin me përvojë në sulm dhe Stewart Downingun në mes është lider me 86 pikë nga 43 ndeshje, ate me nga dy pikë më pak e përcjellin Burnley e Brighton.

Burnley drejtohet nga trajneri Sean Dyche, ndërsa në sulm ka dyshen e rrezikshme Sam Vokes e Andre Gray që bashkë kanë shënuar 35 gola këtë stinor.

Kurse Brighton që drejtohet nga trajneri Chris Hughton me Boby Zamorën dhe Tomor Hemedin në sulm gjithashtu tenton dy vendet e para.

Përballja më interesante pritet të jetë ajo e xhiros së fundit, Xhiroja 46, kur Middlesbrough pret Brightonin në shtëpi, nëse nuk ndodh ndonjë befasi në tre xhirot e mbetura të Championshipit për të parë dy ekipet që sigurojnë Premier Ligën për stinorin tjetër.

FOTO: Rhodes çoi në avantazh Middlesbroughun sonte, por vendasit ia shtyen sigurimin e Premier Ligës në minutat shtesë të takimit

INFO: Në Premier Ligë dalin tre ekipe nga Championship. Dy të parat shkojnë direkt, ndërsa prej vendit të tretë deri në vendin e gjashtë skuadrat luajnë Play-Off mes vete ndërsa finalisti i Wembleyt shkon si ekip i fundit në stinorin e ardhshëm në Premiership.