Super Müller, Bayerni në finale

Në ndeshjen e parë gjysmëfinale të DFB Pokal, fituese doli skuadra e Bayernit, e cila me dy golat e Thomas Müller mposhti skuadrën e Werder Bremenit.

Ndeshja u dominua totalisht nga skuadra nga ‘Allianz Arena’, e cila ishte edhe e favorizuar nga shorti që ndeshjen gjysmëfinale ta luajë në shtëpi. Bavarezët shënuan nga një herë për secilën pjesë për t’u kualifikuar në finalen e Berlinit.

Vlen të përmendet fakti që me dy golat e shënuara sonte, Thomas Müller tashmë ka 151 gola të shënuara me fanellën e Bayernit.

Në finale Bayerni pret fituesin e duelit Hertha Berlin - Dortmund, i cili zhvillohet nesër.