Jedinak me hat-trick, Australia kualifikohet

Për të katërtën herë me radhë, Australia është pjesë e Kampionatit Botëror.

Me fitoren ndaj Hondurasit sot, në ndeshjen që përfundoi pak më parë, australianët e drejtuar nga Ange Postecoglou kanë sigururar biletën e parafundit për Botëror, duke u bërë ekipi i 31-të nga 32 në total që do të jenë pjesë e “Rusia 2018”.

Australia duke e mposhtur Hondurasin me rezultat 3-1, u kualifikua në Kampionatin Botëror Rusia 2018, derisa ndeshja e parë kishte përfunduar me rezultat 0-0.

Mile Jedinak, ishte ylli i ndeshjes i cili shënoi hat-trick për “kengurët”, kurse goli i nderit për Hondurasin erdhi në minutat shtesë të ndeshjes nga Maynor Figueroa.

Skuadra e fundit për Kampionatin Botëror, do të caktohet nga dueli ndërmjet Perusë dhe Zelandës së Re që do të zhvillohet sonte, pas mesnate, në ora 03:15.