John e Shala për fitore, Dukagjini mposhtë Drenicën

Një fitore shumë e rëndësishme e Dukagjinit në Superligë sot!

Skuadra e drejtuar nga Armend Dallku sot shënoi fitore ndaj Drenicës me rezultat 2-0 (Oto John 11’, Arbër Shala 47’), për t’u ngjitur kështu në pikë të barabarta me Prishtinën e vendit të katërt.

TABELA AKTUALE

Oto John shënoi për 1-0 pas një pasimi fantastik nga Marclei Santos në minutën e 11’, e më pas për 2-0 shënoi mbrojtësi i majtë Arbër Shala pak pasi kishte filluar pjesa e dytë.

Mundësinë që të kthehej në lojë Drenica e kishte në minutën e 53’, por i pasaktë nga pika e bardhë u tregua Da Silva dhe kështu Dukagjini mbeti në epërsi të dyfishtë.

Sa i përket Drenicës, kjo humbje ia rrezikon asaj edhe më shumë rënien nga elita e futbollit kosovar, gjë që nuk ka ndodhur asnjëherë në futbollin e pas-luftës në Kosovë.

Në xhiron e ardhshme, Dukagjini i shkon Trepçës ‘89, kurse Drenica e pret Prishtinën.