FITORE E RËNDËSISHME
Jurgen Gjini vendos, Vllaznia fiton dhe shpreson
16 April, 2023 @17:36
Një gol ka qenë i mjaftueshëm ndërsa Vllaznia e drejtuar nga Erdin Hashani ka shënuar fitoren e dytë në tri ndeshjet e fundit për t’i ikur fundit të renditjes dhe për të marrë sadopak frymë e për të shpresuar në mbijetesë në Ligë të Parë.
Ka qenë ish-sulmuesi i Vëllaznimit dhe Lirisë, Jurgen Gjini, që ka vendosur ndeshjen me golin e shënuar në minutën e 12 të lojës, për përfundimtaren: Vllaznia 1-0 2 Korriku [Jurgen Gjini 12’].
Vllaznia me këtë fitore ka dalë në pozitën e tetë, ndërsa tash ka pikë të njëjta me 2 Korrikun që është i nënti! E fundit është Arbëria me tri pikë më pak se dyshja që u ndeshën sot.
