Kabashi italian

Mediat shqiptare sot kishin ballinën me temë të njejtë. Mesfushori shqiptar i Juventusit, Elvis Kabashi, ka refuzuar ftesën e kombëtares shqiptare. 

Sipas të përdithsmes Sport Ekspres, Kabashi 19 vjeçar ka deklaruar se është italian dhe se nuk dëshiron që ta thërrasin më në kombëtare. E tema e njejtë ka përcjellë edhe Panorama Sport si dhe Sportin Shqiptar, që kanë rënë në përfundim se përfaqësuesja kuqezi do ta ketë një talent më pak në dispozicion. 

Mirërpo, në anën tjetër, trajneri italian i Shqipërisë, Gianni De Biasi, ka thënë shkurt, “S’kam kohë të humbas me atë...!” duke bërë të ditur se është i koncentruar më shumë në nxjerrjen e një rezultati të favorshëm ndaj Norvegjisë në ndeshjen e radhës.