Leonardo i befason të gjithë

Drejtori sportiv i skuadrës françeze Paris Saint Germain, Leonardo, i ka befasuar të gjithë në emisionin special për Ligën e Kampionëve në kanalin Sky Italia.

Gjatë intervistës së tij të drejtëpërdrejtë, Leonardo i propozoi martesë moderatores së emisionit Anna Billo.

Derisa të gjithë u befasuan me propozimin e Leonardos, moderatorja me buzëqeshje duke mos dashur të përgjigjet në emisionin e drejtpërdrejtë tha: ”Çfarë pyetje është kjo? Në rregull, të vazhdojmë.”

Më pas Leonardo insistoi edhe një herë që ta merr përgjigjen, derisa ajo u përgjigj duke thënë: “Në rregull. Po. Këtë çështje do ta bisedojmë në shtëpi.”

Pasi u pranua propozimi i tij, Leonardo me buzëqeshje tha se së shpejti do të bëhet ceremonia e martesës në Milan dhe Brazil.