Sylvinho e nis me Dakun, 2 ndërrime në formacion nga ndeshja e kaluar

Braziliani në krye të Shqipërisë, Sylvinho ka bërë dy ndërrime në formacionin startues të kuqezinjëve për ndeshje ndaj Ukrainës, në krahasim me atë të kaluarën ndaj Çekisë.

Tekniku në fjalë ka vendosur që në vend të Nedim Bajramit të nis me Ernest Muçin në krah, ndërsa në vend të Indrit Tucit në qendër të sulmit e nis me Mirlind Dakun.

TABELA AKTUALE: LIGA B E KOMBEVE

Shqipëria është me super mundësi sonte. Kuqezinjëve i duhet fitorja ndaj Ukrainës që me një barazim të Çekisë ndaj Gjeorgjisë do t’i çojë ata si fitues i Grupit 1 të Ligës B të Kombeve në Ligën A. Liga A përbëhet nga shtetet më të fuqishme evropiane në futboll aktualisht. Do të ishte një arritje spektakulare për Shqipërinë e Sylvinhos.

Por, asgjë nuk përfundon këtu, fitorja e Shqipërisë, pa matematika për ndeshjen tjetër (pa marrë parasysh rezultatin në ndeshjen Çekia-Gjeorgjia) do t’i garantojë së paku playoffin kuqezinjëve, nga vendi i dytë i Grupit 1 të Ligës B të Kombeve me një pozitë të tretë nga Liga A e Kombeve.

FORMACIONET STARTUESE: SHQIPËRIA-UKRAINA

SHQIPËRIA: Strakosha, Ismajli, Ajeti, Balliu, Mitaj; Ramadani, Asllani, Laçi: Asani, Muçi; Daku.

UKRAINA: Trubin; Zabanyi, Metviyenko, Konoplia, Mykolenko; Kaliuzhnyi, Sudakov, Zinchenko; Mudryk, Hutsuliak; Yaremchuk.

Ndeshja nis në orën 20:45 dhe luhet në “Air Albania” të Tiranës.