Kalojnë në epërsi pa super yllin

Skuadra e Philadelphia 76ers, pa super yllin Joel Embiid, e mposhti Brooklyn Netsin në ndeshjen e tretë të Play Offit me rezultat 115-131.

Në ndeshje qendra gjigande Joel Embiid nuk luajti për shkak të lendimi të lehtë te gjuri, por mungesa e tij nuk është vërejtur.

Philly, në mënyrë ekipore luajti shumë mirë në këtë ndeshje. Ben Simmons duke shënuar 31 pikë, e theu rekordin personal të tij të Play Off, derisa mori ndihmë edhe nga Tobias Harris me 29 pikë dhe JJ Redick me 26 pikë të tjera. Ky i fundit ishte i saktë nga vija e treshit 5 herë në 9 tentimet e tij.

Te Brooklyni, D’Angelo Russell dhe Caris LeVert luajtën me nga 26 pikë secili, por nuk mjaftuan për fitore.

SKEMA E PLAY OFFIT

Rezultati në seri është 2-1 në favor të Philadelphias. Ndeshja e katërt do të luhet përsëri në New York më 20 prill në ora 21:00.