Kampioni i Shqipërisë, eliminohet nga Astana

Partizani nuk ka arritur të shkrijë epërsinë njëgolëshe që e kishte ekipi kazak Astana, në kuadër të playoffit të Ligës së Konferencës, për të siguruar për herë të parë si klub fazën grupore të një gare evropiane.

Pas fitores së Astanës në ndeshjen e parë 1-0, Partizani sonte në Elbasan Arena udhëhoqi 1-0 përmes Archange Bintsoukës, mirëpo mysafirët reaguan me të nisur pjesa e dytë dhe me përfundimtaren 1-1 dhe rezultatin e përgjithshëm nga dy ndeshjet, 1-2 në të mirë të kazakëve, kampioni i Shqipërisë u eliminua.