Ballkani përsërit suksesin, siguron grupet e Ligës së Konferencës!

Me një ndeshje të mençur, pa qendërsulmues klasik në fillim të ndeshjes, Ballkani ka arritur të mbajë topin të kërkojë gol përmes kundërsulmeve, ndërsa ka duruar edhe mbajtjen e topit nga BATE Borisov për të pësuar minimalisht nga ata 1-0, ndërsa me rezultat të përgjithshëm 2-4! të shkojë tutje në fazën grupore të Ligës së Konferencës.

Goli i BATE-s erdhi në minutën e 30 të ndeshjes, kur Kontsevoy shënoi për epërsinë e bjellorusëve, por kampioni i Kosovës nuk gaboi më tutje duke menaxhuar mirë lojën dhe me siguri në repartin mbrojtës dhe të mesit të fushës, çoi duelin deri në fund për të siguruar Ligën e Konferencës.

BALLKANI - VET HISTORIA

Kujtojmë, Ballkani është ekipi i parë nga Kosova që ka luajtur në fazën grupore të Ligës së Konferencës. Ekipi nga Suhareka këtë sukses historik e arriti në stinorin e kaluar. Të njëjtën e përsëriti edhe këtë stinor, duke u bërë ekipi i parë nga Kosova që arrin dy herë radhazi të garojë në vjeshtë të garave evropiane. 

Nesër në short, Ballkani do të mësojë edhe kundërshtarët e fazës grupore të garës, ku kësaj radhe pritet të kërkojë së paku më shumë pikë sesa herën e kaluar.

Me kualifikimin në Ligë të Konferencës, Ballkani do të përfitojë 2.9 milionë euro nga UEFA-ja. Këto i ka të sigurta, ndërsa me secilën fitore në grupe do të shtojë edhe 500 mijë euro në llogari, kurse me secilin barazim, 166 mijë të tjera.

PËRFITIMET PAS PLAYOFFIT TË UECL:

1. Kualifikimi në fazën grupore të Ligës së Konferencës — 2.95 milionë euro;
2. Fitorja në një ndeshje të fazës grupore të Ligës së Konferencës — 500 mijë euro;
3. Barazimi në një ndeshje të fazës grupore të Ligës së Konferencës — 166 mijë euro.