Të gjitha lajmet

KOSOVA U20

Karabegu cakton 12-shen, nisen për Portugali

Foto: FBK

Karabegu cakton 12-shen, nisen për Portugali

10 July, 2019 @22:48

Basketbollistët e reprezentacionit të Kosovës U20 kanë marrë rrugë për Portugali sot, ku do të jenë pjesë e Kampionatit Evropian të Divizionit B që zhvillohet prej 12 deri më 21 korrik 2019.

Selektori Ibrahim Karabeg ka bërë të ditur 12-shen përfundimtare që marrin rrugë për Matosinhos, ndërsa ka bërë të ditur gjithashtu se Dardan Kapiti dhe Ardit Pepaj kanë pasur lëndime dhe nuk janë në 100%-shin e tyre, por janë përfshirë në listë.

“Sot (e mërkurë) kishim stërvitjen e fundit dhe në mbrëmje do të fluturojmë drejt Portugalisë. Përgatitjet kanë shkuar mirë, edhe pse fatkeqësisht kemi pasur lëndime, si Dardan Kapiti dhe ArditPepaj, që përbëjnë edhe boshtin e ekipit. Gjendja e tyre do të vlerësohet nga mjekët. Kapiti është i gatshëm, por jo 100 %”, ka thënë Karabegu.

Njëjtë ai ka folur edhe për gjasat e Kosovës U20 në këtë garë.

“Ne synojmë të bëjmë paraqitje të mira. Nuk kemi synime të mëdha, por do të japim maksimumin nga vetja. Ndeshjen e parë e kemi ndaj Estonisë, ku nuk do ta kemi aspak lehtë, sepse 5 lojtarë të saj luajnë në liga të forta evropiane. Pak më lehtë e kemi me Armeninë dhe Gjeorgjinë. Megjithatë, e theksoj se nuk kemi synime të mëdha, por të japim maksimumin dhe të përfaqësojmë denjësisht shtetin tonë në Portugali”, përfundoi Ibrahim Karabeg, në deklaratën e tij dhënë për faqen zyrtare të FBK-së sot.

Dueli i parë i Kosovës U20 do të jetë ndaj estonezëve, që luhet të premten me fillim prej orës 17:00. 

Kosova U20 bën pjesë në Grupin C të Evropianit dhe kundërshtarë në grup ka Suedinë, Holandën, Gjeorgjinë, Estoninë dhe Armeninë. Vetëm dy të parët nga grupi kalojnë tutje, në rrugë për çerekfinale. Të tjerët, luftojnë për të përcaktuar pozitat përfundimtare në renditjen e evropianit.



Lista e Kosovës U20:

1. Andi Vrapçani

2. Arbër Sinani

3. Ardit Pepaj

4. Atik Koshi

5. Dardan Kapiti

6. Erhan Sholla

7. Gazzali Makasqi

8. Leon Neziri

9. Rilind Krasniqi

10. Meriton Ismajli

11. Rron Ukaj

12. Ylli Gashi
Stafi:

Selektor: Ibrahim Karabeg;
Trajnerë: Lorik Kllokoqi & Egzon Uka;
Fizio: Albion Ramadani.

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

DREJTOR SPORTIV

Artim Pollozhani te Flamurtari i Vlorës

9 August, 2019 @15:42

Ish futbollisti i reprezentacionit të Maqedonisë dhe futbollisti i Flamurtarit të Vlorës, Artim Pollozhani, pas vënies së këpucëve në gozhdë…

Të gjitha lajmet nga