Kosova U20, e treta prej fundit në Evropianin B

Përfaqësuesja e Kosovës U20 nuk ka arritur të shënojë fitore as në ndeshje ndaj Rumanisë U20 sot, duke përfunduar kështu në pozitë të 18-të të Kampionatit Evropian të Divizionit B që është në ditën e fundit të saj, e po mbahet në Portugali.

Kosova U20 vetëm në çerekun e fundit është treguar më e mirë sesa Rumania U20, derisa ndeshja përfundoi me fitore 10 pikëshe të ekipit rumun 66-56 [12-11, 15-11, 19-9 dhe 20-25].

Tre lojtarë të Kosovës përfunduan ndeshjen me pikë dyshifrore, ku më efikasi ka qenë Leon Neziri me 12 të shënuara, ndërsa Dardan Kapiti dhe Rilind Krasniqi dhanë nga 10 sosh.

Kosova U20 u drejtua nga Ibrahim Karabeg në këtë kampionat, ndërsa ndihmës të tij kanë qenë Lorik Kllokoqi dhe Egzon Uka.

Në këtë Evropian të Divizionit B kanë marrë pjesë 21 vende, ndërsa Kosova e kreu atë në pozitën e 18.

Kosova U20 ka zhvilluar 7 ndeshje në këtë evropian dhe ka fituar vetëm dy. Një në grup ndaj Armenisë, dhe një ndaj Luksemburgut, për t’i ikur vendit të fundit në kampionat.